Unha apaixonante historia sobre os videoxogos, a amizade e a superación.
Un xélido día de decembro do seu primeiro ano en Harvard, Sam Masur sae dun vagón de metro e ve, entre as hordas de xente que esperan na plataforma, a Sadie Green. A chama a berros. Por un momento, ela fai como que non o oíu, pero entón vólvese e empeza a partida: unha colaboración lendaria que os lanzará á fama. Piden diñeiro prestado, favores e, antes mesmo de graduarse, asinan a súa primeira superprodución: Ichigo, un xogo no que un pode escapar dos confíns do corpo e as traizóns do corazón, no que a morte non significa máis que unha oportunidade para recomezar e volver xogar.

Esta novela narra a historia dos mundos perfectos que constrúen Sam e Sadie, o mundo imperfecto no que viven e de todo o que vén despois do éxito: o diñeiro, a fama, a traizón, a traxedia. A trama esténdese ao longo de máis de trinta anos, vai de Cambridge (Massachusetts) a Venice Beach (California), pasando por terras intermedias e outros mundos.

1º-2º BAC