Cando Andrew se atopa por casualidade coa casa de Jamie, está ferido, morto de fame e xa non ten nada que perder. Un patóxeno letal acabou con gran parte da poboación mundial, incluídos todos os seres queridos dos dous mozos. Se algo aprenderon neste novo mundo é que deben ter medo do que outras persoas desesperadas poderían facerlles... Así que por que lles resulta tan fácil confiar o un no outro?

Cando o perigo irrompe no seu refuxio, foxen cara ao sur en busca da civilización. Pero na historia de Andrew hai algo que non acaba de encaixar e que podería arrebatarllo todo a ambos. Jamie tamén garda un secreto. Está a empezar a sentir algo máis que amizade por Andrew e iso engádelle outra capa de medo e confusión a unha viaxe xa de seu tumultuoso.

O camiño que se estende diante deles é longo e, para sobrevivir, terán que desposuírse dos seus segredos, afrontar as consecuencias das súas accións e atopar o valor necesario para loitar xuntos polo futuro que desexan. Só existe unha certeza: o único que queda no mundo é a innegable atracción que senten o un cara ao outro.

3º-4º ESO