Quen es realmente cando ninguén te ve?
Unha competición na que o máis importante é manter a atención sobre ti.

30 participantes dispostos a todo para que ninguén deixe de mirar.

O Edificio Imperio abriu as súas portas. Alí lévase a cabo a competición en directo máis importante do mundo, e para gañala só hai que facer dúas cousas: formar parte dos seus xogos e conseguir que toda a xente posible se fixe en ti.

Dana Shifter non quería asistir, ao contrario que a súa irmá pequena, Liv, que ten claro que quere gañar. Gañar é o que desexa tamén Evan Walker, que quedou segundo na pasada edición e este ano aspira ao primeiro posto; aínda que a favorita do público é Bianca Fiore, a súa inimiga declarada desde antes mesmo de empezar.

Este tamén é o segundo ano de Félix Oliveira, que ten moi claro que non vai repetir erros do pasado. En cambio, quen están preparados para cometer todos os erros que faga falta, empezando por entrar no programa finxindo unha relación que xa non teñen, son Sasha e Asher.

E logo está Blake. Ela nin sequera debería entrar en Imperio, pero está disposta a chegar á cima custe o que custe.

E ti? A quen vas mirar?

3º-4º ESO