Premio Pulitzer de Ficción 2015

Marie-Laure vive co seu pai en París, preto do Museo de Historia Natural, onde el traballa como responsable das súas mil fechaduras. Cando, sendo moi nena, Marie-Laure queda cega, o seu pai constrúelle unha perfecta miniatura do seu barrio para que poida memorizala grazas ao tacto e atopar o camiño á casa. Aos seus doce anos, os nazis ocupan París e pai e filla teñen que fuxir á cidade amurallada de Saint-Malo. Con eles levan a que podería ser a máis prezada e perigosa xoia do museo.

Nunha cidade mineira de Alemaña, o mozo orfo Werner crece xunto á súa irmá pequena, cativado por unha rudimentaria radio que ambos atopan. Werner convértese nun experto en construír e reparar estes aparellos cruciais para os novos tempos, un talento que non pasa desapercibido ás Mocidades Hitlerianas.

Seguindo ao exército alemán, Werner deberá atravesar o corazón en guerra de Europa. Ata que na última noite antes da liberación de Saint-Malo os camiños de Werner e Marie-Laure por fin se crucen. E as súas vidas cambien para sempre.

1º-2º BAC