Ambientada nun reino imaxinario, esta novela móstranos unha sociedade dividida pola cor do sangue. Por unha banda está a xente común que ten sangue vermello; polo outro temos a aqueles que posúen sangue prateado e que teñen habilidades sobrenaturais. Estes últimos forman unha elite pechada e chea de privilexios.
A protagonista é Mare, unha moza de sangue vermello que sobrevive no medio da pobreza realizando pequenos roubos. Certo día, o azar lévaa á corte. Alí demostra ter poderes especiais, os cales resultan insólitos para alguén do pobo. Iso convértea nunha anomalía que chama a atención mesmo do rei. Este desexa aproveitar no seu beneficio os poderes da rapaza e faia pasar por unha princesa, quen supostamente casará cun dos seus fillos. Unha vez na corte, Mare convértese en parte do mundo de prata e, de maneira secreta, axuda á Garda Escarlata, un grupo que prepara unha rebelión.

3º-4º ESO