Pauline, Posy e Petrova Fossil son tres orfas que, adoptadas por un benefactor misterioso, conviven nunha gran casa de Londres. Son algo así como irmás, pero non poderían ser máis diferentes: Pauline é loura, de ollos azuis, e adora o teatro. Posy ten unha frondosa melena roxa, e se algo lle apaixona é bailar e cantar. E Petrova é pálida e fraquiña, só pensa en avións e na mecánica que os fai voar, e detesta por encima de todas as cousas ter que subirse a un escenario. Cando os problemas económicos aparecen no horizonte das irmás Fossil, non queda outra que unirse para atopar unha solución. E a solución, ao parecer, non só pasa por alugar habitacións da súa casa, senón tamén por converterense na nova sensación do mundo do teatro.

Non saben por onde empezar, e desde logo teñen un pouco de medo. Pero se algo caracteriza ás irmás Fossil é que son máis listas que a fame. E que están dispostas a sacar adiante á súa peculiar familia custe o que custe.

1º-2º ESO

3º-4º ESO