Sandra Sabatés e Judit Crehuet adaptan a novela gráfica unha selección das desgarradoras historias de "No me cuentes cuentos" neste cómic que, ademais, inclúe un relato completamente inédito. Detrás de moitos príncipes escóndense lobos feroces.

Un libro que denuncia ata que punto normalizamos a violencia de xénero.

Sandra Sabatés entrevistou mulleres que viven ao noso lado, mozos que lidan coas súas pantasmas mentres tratan de reconstruír as súas vidas… Tamén elas son sobreviventes, como as protagonistas dos contos clásicos, aínda que as historias que aquí se recollen teñen pouco de infantís. Queda a crueza dunha realidade que se resiste a desaparecer, pero tamén a esperanza de que chegue o día en que os monstros só vivan na ficción.

Brancaneves lanzouse en brazos dun amor que creu perfecto e que a acabou anulando; a Bela Dormente caeu nun soño forzado e, cando espertou, sufrira unha violación; a Ariel arrincáronlle unha parte do seu corpo baixo o pretexto de alcanzar a pureza; Carrapuchiña foi ás festas de San Fermín e foi violada por cinco lobos, a Manda de Pamplona. Todos eles son testemuños reais.

1º-2º BAC

3º-4º ESO