O mundo de Axlin está infestado de monstros. Algúns atacan aos viaxeiros nos camiños, outros asedian as aldeas ata que logran arrasalas por completo e outros entran nas casas polas noites para levar aos nenos mentres dormen.

Axlin medrou sendo consciente de que calquera día lle pode tocar a ela. A súa xente sobreviviu aos monstros durante xeracións e aprendeu a evitalos na medida do posible. Pero un día Axlin descobre que existen moitos tipos de monstros diferentes, que cada aldea se enfronta aos seus propios pesadelos e que hai criaturas que non coñece e ante as que non sabe como defenderse.

Axlin é a escribán da súa aldea, a única que sabe ler e escribir. Debido a iso, ninguén da súa contorna comprende realmente a importancia do seu traballo. Pero ela propúxose investigar todo o que poida sobre os monstros e plasmar os seus descubrimentos nun libro que poida servir de guía e protección a outras persoas. Por iso decide partir nunha longa viaxe para reunir a sabedoría ancestral das aldeas na súa precaria loita contra os monstros. Con todo, ao longo da súa viaxe descubrirá cousas que xamais imaxinaría cando partiu.

1º-2º ESO

3º-4º ESO